Fréttir: ágúst 2018

Fyrsta styrkúthlutun til nema í leikskólakennarafræðum fór fram á bæjarskrifstofum Garðabæjar þann 30. ágúst 2018 síðastliðinn. Alls hlutu þrír nemar styrki en það eru þær Ásta Björk Árnadóttir, Ragnheiður Sívertsen og Anna Björnsdóttir.

Telma Halldórsdóttir lögmaður hefur verið ráðin persónuverndarfulltrúi Garðabæjar.  Persónuverndarfulltrúi Garðabæjar mun vinna að því að fylgja eftir nýrri persónuverndarstefnu Garðabæjar sem var samþykkt í sumar.

Garðabær tekur þátt í verkefni Ferðafélags Íslands um lýðheilsugöngur í september.  Alla miðvikudaga getur almenningur tekið þátt í lýðheilsugöngum um allt land.  Þetta er annað árið í röð sem blásið er til þessa átaks en göngurnar eru um leið áframhald vinsælla sögu- og fræðslugangna Garðabæjar sem hafa verið farnar á undanförnum árum. 

Eins og fram hefur komið í fjölmiðlum hefur lögreglan til rannsóknar tilvik um að veist hafi verið að stúlkum í Garðabæ undanfarna daga. Málið er litið alvarlegum augum og vinnur lögreglan að rannsókn þessara tilkynninga

Vegna vinnu við stofnæð verður lítill þrýstingur á vatni eftir kl. 22 þriðjudagskvöld 28. ágúst í hverfum austan Hafnarfjarðarvegar. Á miðvikudag og fimmtudag verður rafmagnslaust í nokkrum götum hluta úr degi.

Miðvikudaginn 22. ágúst sl. voru grunnskólar í Garðabæ settir og nemendur tóku að streyma að eftir sumarfrí.  Það verða rúmlega 2500 börn í 1.-10. bekk í Garðabæ í vetur, þar af um 200 börn í 1. bekk. Fjölmennustu skólarnir eru Hofsstaðaskóli, Flataskóli og Garðaskóli með um 500 nemendur hver.

Nýr frisbígolfvöllur var opnaður á Vífilsstöðum fimmtudaginn 16. ágúst sl. en nokkrir bæjarfulltrúar mættu á grasið til að vígja hann formlega. 

PMTO (Parent Management Training) Foreldrafærninámskeið verður haldið í Garðabæ á  fimmtudögum kl 16.00– 18:00 í alls átta skipti haustið 2018. Námskeiðið hefst þann 13. september og lýkur 1. nóvember.

Skólabíll verður í boði úr Urriðaholti fyrir þau börn sem fara í grunnskóla í Garðabæ annan en Urriðaholtsskóla

Breyting verður á afgreiðslutíma í Ásgarðslaug um helgar frá og með 25. ágúst.

Vegna viðhaldsvinnu þarf að loka fyrir vatn í kvöld kl. 22 í Túnfit og í húsum númer 13-21 í Lækjarfit. Einnig geta orðið trufanir á rennsli og þrýstingi í öðrum hverfum svo sem á Álftanesi