Fréttir: 2018 (Síða 4)

Vegna fréttaskýringar í Kjarnanum um félagslegar íbúðir: Félagslegar íbúðir í Garðabæ eru alls 29 og fjölgaði þeim um eina milli áranna 2017 og 2018.

Fjárhagsáætlun Garðabæjar var lögð fram til fyrri umræðu á fundi bæjarstjórnar Garðabæjar fimmtudaginn 1. nóvember sl.  Samhliða næstu árs áætlun var jafnframt lögð fram þriggja ára áætlun Garðabæjar fyrir árin 2020, 2021 og 2022.  Síðari umræða um fjárhagsáætlun verður 6. desember 2018, en samkvæmt sveitarstjórnarlögum skal bæjarstjórn hafa samþykkt áætlunina fyrir 15. desember ár hvert.

Liðsmenn sveita Slysavarnafélagsins Landsbjargar hófu síðdegis í dag sölu á Neyðarkallinum sem nú er mættur á svæðið.

Föstudaginn 26. október síðastliðinn var starfsdagur í leik- og grunnskólum Garðabæjar og eftir hádegi þann dag var boðið upp á sérstakan menntadag fyrir kennara og starfsfólk á báðum skólastigum. 

Kvennakór Garðabæjar bauð til árlegrar menningardagskrár sem fram fór í safnaðarheimilinu Kirkjuhvoli fimmtudagskvöldið 25. október sl.

Í sumar var settur upp nýr gönguteljari sem mælir fjölda ferða hjólandi og gangandi á stíg sem liggur að Búrfellsgjá með því markmiði að fylgjast með umferð vegfaranda. Teljarinn gefur skýra mynd af fjölda fólks á tilteknu svæði og nýtist því t.d. vel á nýjum bílastæðum sem eru komin í gagnið í Heiðmörk við Búrfellsgjá/Selgjá.

Þjónustuveri Garðabæjar verður lokað kl. 14.55 í dag í tengslum við viðburðinn „Kvennafrí 2018 - Kvennaverkfall 24. október“ .  

Föstudaginn 26. október nk. er starfsdagur í leik- og grunnskólum Garðabæjar og eftir hádegi þann dag verður boðið upp á sérstakan menntadag fyrir kennara og starfsfólk á báðum skólastigum.

Evrópumótið í hópfimleikum var haldið um helgina þar sem íslensku liðin stóðu sig afar vel. Alls var 31 iðkandi Stjörnunnar í landsliðum Íslands.

Lið Garðabæjar keppti á föstudaginn sl. í Útsvari en tapaði þar naumlega gegn Ísafjarðarbæ. Viðureign liðanna lauk þannig að Ísafjarðarbær hlaut 61 stig en Garðabær 59.

Á fundi bæjarstórnar Garðabæjar fimmtudaginn 18. október 2018 var samþykkt ályktun um forgangsröðun til brýnna framkvæmda í samgönguáætlun. 

Garðabær mætir Ísafirði í spurningakeppninni Útsvari í kvöld föstudagskvöldið 19. október kl. 19:45 í beinni útsendingu í sjónvarpinu.