Fréttir: 2018 (Síða 7)

Í dag, fimmtudaginn 6. september hélt Ragnhildur Gunnlaugsdóttir fræðsluerindi á fundi leikskólastjóra. Þar kynnti hún lokaverkefni sitt til M.Ed prófs um foreldrafræðslu og uppeldisráðgjöf.

Við nýlegar jarðvegsframkvæmdir í Hraunsholtslandi fundust tvö stök stórgripabein. Uppgröfturinn er í nágrenni skipulagssvæðis Hraunsholts eystra þar sem er ákveðið verklag um viðbrögð ef komið er niður á bein eða dýraleifar innan svæðisins.

Uppskeruhátíð sumarlesturs var haldin laugardaginn 1. september síðastliðinn í Bókasafni Garðabæjar. Stjörnu-Sævar hélt skemmtilegt erindi, viðurkenningar voru afhentar og boðið var upp á ljúffenga köku. 

Plastlaus september er árvekniátak sem ætlað er að vekja fólk til umhugsunar um ofgnótt og skaðsemi plasts í umhverfinu og benda á leiðir til að draga úr notkun á einnota plasti. Garðabær er einn af styrktaraðilum átaksins og eru Garðbæingar hvattir til að taka þátt í Plastlausum september sem vonandi leiðir til minni plastnotkunar til frambúðar. 

Sendinefnd frá Yunnan héraði í Kína er stödd hér á landi og kom í heimsókn í ráðhús Garðabæjar í vikunni.  Í ráðhúsinu tóku Áslaug Hulda Jónsdóttir, formaður bæjarráðs Garðabæjar og Hulda Hauksdóttir upplýsingastjóri á móti fulltrúum nefndarinnar og fræddu gesti um starfsemi Garðabæjar.

Fyrsta styrkúthlutun til nema í leikskólakennarafræðum fór fram á bæjarskrifstofum Garðabæjar þann 30. ágúst 2018 síðastliðinn. Alls hlutu þrír nemar styrki en það eru þær Ásta Björk Árnadóttir, Ragnheiður Sívertsen og Anna Björnsdóttir.

Telma Halldórsdóttir lögmaður hefur verið ráðin persónuverndarfulltrúi Garðabæjar.  Persónuverndarfulltrúi Garðabæjar mun vinna að því að fylgja eftir nýrri persónuverndarstefnu Garðabæjar sem var samþykkt í sumar.

Garðabær tekur þátt í verkefni Ferðafélags Íslands um lýðheilsugöngur í september.  Alla miðvikudaga getur almenningur tekið þátt í lýðheilsugöngum um allt land.  Þetta er annað árið í röð sem blásið er til þessa átaks en göngurnar eru um leið áframhald vinsælla sögu- og fræðslugangna Garðabæjar sem hafa verið farnar á undanförnum árum. 

Eins og fram hefur komið í fjölmiðlum hefur lögreglan til rannsóknar tilvik um að veist hafi verið að stúlkum í Garðabæ undanfarna daga. Málið er litið alvarlegum augum og vinnur lögreglan að rannsókn þessara tilkynninga

Vegna vinnu við stofnæð verður lítill þrýstingur á vatni eftir kl. 22 þriðjudagskvöld 28. ágúst í hverfum austan Hafnarfjarðarvegar. Á miðvikudag og fimmtudag verður rafmagnslaust í nokkrum götum hluta úr degi.

Miðvikudaginn 22. ágúst sl. voru grunnskólar í Garðabæ settir og nemendur tóku að streyma að eftir sumarfrí.  Það verða rúmlega 2500 börn í 1.-10. bekk í Garðabæ í vetur, þar af um 200 börn í 1. bekk. Fjölmennustu skólarnir eru Hofsstaðaskóli, Flataskóli og Garðaskóli með um 500 nemendur hver.

Nýr frisbígolfvöllur var opnaður á Vífilsstöðum fimmtudaginn 16. ágúst sl. en nokkrir bæjarfulltrúar mættu á grasið til að vígja hann formlega.