Fréttir: janúar 2019

Sigurður Ottósson, aðstoðarverkstjóri í Þjónustumiðstöð Garðabæjar er að hætta störfum vegna aldurs eftir 44 ár sem starfsmaður Garðabæjar. 

Álagningarseðlar fasteignagjalda 2019 eru nú aðgengilegir á rafrænu formi en þar eru upplýsingar um fjárhæð fasteignaskatts, lóðarleigu, vatnsgjalds, holræsagjalds/rotþróargjald og sorpgjalds.

Garðabær tekur virkan þátt í verkefni Embættis landlæknis um Heilsueflandi samfélag og býður því bæjarbúum upp á ókeypis heilsufarsmælingu. Boðið verður upp á mælingu í íþróttamiðstöðinni á Álftanesi laugardaginn 26. janúar frá kl. 10-13 og í íþróttamiðstöðinni í Ásgarði laugardaginn 2. febrúar frá kl. 10-13.

Góð mæting var á íbúafund sem haldinn var miðvikudaginn 16. janúar sl. í hátíðarsal íþróttamiðstöðvarinnar á Álftanesi, þar sem tillögurnar sem nú eru í kynningu fyrir miðsvæðið á Álftanesi voru kynntar. 

Með Upptaktinum, Tónsköpunarverðlaunum barna og ungmenna, gefst ungu fólki færi á að senda inn tónsmíð eða drög að tónsmíðum og vinna markvisst úr hugmyndum sínum með fulltingi listamanna. 

Lilja Alfreðsdóttir, mennta- og menningarmálaráðherra, heimsótti Hönnunarsafn Íslands fimmtudaginn 10. janúar sl. 

Tónleikaröðin Þriðjudagsklassík í Garðabæ hófst á ný þriðjudaginn 8. janúar sl. Það var bæjarlistamaður Garðabæjar 2018, söngkonan María Magnúsdóttir, sem startaði tónleikaröðinni með fyrstu tónleikum ársins í sal Tónlistarskóla Garðabæjar. 

Bæjarstjórn Garðabæjar hefur nýverið auglýst tillögur að deiliskipulagi miðsvæðis Álftaness. Í heildina er gert ráð fyrir um 401 nýrri íbúð á svæðinu. 

Miðvikudaginn 9. janúar sl. var haldinn íbúafundur í Flataskóla þar sem farið var yfir tillögu Vegagerðarinnar að bráðabirgða endurbótum Hafnarfjarðarvegar á milli Vífilsstaðavegar og Lyngáss ásamt gatnamótum sem nú er í forkynningu.

Skipulagsnefnd Garðabæjar hefur vísað tillögu Vegagerðarinnar að bráðabirgða endurbótum Hafnarfjarðarvegar á milli Vífilsstaðavegar og Lyngáss ásamt gatnamótum til forkynningar. Miðvikudaginn 9. janúar kl. 17:15 verður haldinn íbúafundur í Flataskóla þar sem tillögurnar verða kynntar.

Rafíþróttaklúbbur Garðalundar fékk nýverið styrk að upphæð 250 þúsund krónur frá íþrótta- og tómstundaráði Garðabæjar sem lítur á klúbbinn sem áhugavert frumkvöðlaverkefni.