Fréttir: 2019 (Síða 11)

Aðfaranótt þriðjudags 2. júlí nk. verður lokað fyrir kalt vatn á hluta Smáraflatar í Garðabæ. Vegna tengingar á stofnlögn geta einnig orðið truflanir á rennsli kalda vatnsins á miðbæjarsvæði og víðar í Garðabæ þar sem þrýstingurinn minnkar á meðan á þessu stendur. 

Þriðjudaginn 25. júní sl. fór gönguhópurinn Sjáland sem fer frá félagsmiðstöðinni Jónshúsi alla virka daga í göngu- og söguferð um Garðaholt.

Flóttafólk frá löndum í Afríku mun setjast að í Garðabæ haustið 2019. Rauði krossinn leitar nú til Garðbæinga um að taka þátt í þessu mikilvæga verkefni og gerast sjálfboðaliðar. 

Í vor var boðið upp á skemmtilega tónleika í Tónlistarskóla Garðabæjar. Um var ræða flutning á sögunni ,,Maxímús trítlar í tónlistarskóla"

Útilífsmiðstöð verður byggð í Heiðmörk í Garðabæ samkvæmt samningi milli Garðabæjar og Skátafélagsins Vífils. Þau Gunnar Einarsson, bæjarstjóri Garðabæjar, og Thelma Rún Van Erven, félagsforingi Skátafélagsins Vífils, undirrituðu samninginn miðvikudaginn 19. júní sl. á þeim stað í Heiðmörk þar sem miðstöðin mun rísa og tóku um leið skóflustungu að nýju útilífsmiðstöðinni. 

Vegagerðin stefnir að því að flytja höfuðstöðvar sínar í Garðabæ á næsta ári. 

Fjölmargir tóku þátt í hátíðarhöldum á 17. júní í Garðabæ í blíðskaparveðri. Gleðin var allsráðandi bæði á Álftanesi þar sem hátíðarhöld hófust fyrir hádegi og á Garðatorgi sem hófust eftir hádegi.

Hin árlega Jónsmessugleði Grósku verður haldin fimmtudaginn 20. júní kl. 19:30-22:00 á göngustígnum við strandlengjuna í Sjálandi

Árlegt kaffihlaðborð Kvenfélags Garðabæjar á 17. júní var í ár haldið í fyrsta sinn í Sveinatungu, nýrri fjölnota fundaraðstöðu bæjarins á Garðatorgi.

Sundlaugin í Ásgarði er nú opin aftur eftir árlega hreinsun og viðhald en um var að ræða skoðun á búnaði og mannvirki auk hreinsunar. Sérstakt hálkuvarnarefni var borið á allt útisvæðið, kringum potta og á bökkum laugarinnar auk útiklefa.

Kvennahlaupið hélt upp á 30 ára afmæli sitt sl. laugardag, 15. júní þegar fjölmargar konur hlupu um allt land. Að sjálfsögðu var hlaupið í Garðabæ í blíðskaparveðri en boðið var upp á þrjár hlaupaleiðir; 2 km, 5 km og 10 km.

Dagskráin fyrir 17. júní í Garðabæ er spennandi líkt og síðustu ár. Frítt verður í sund fyrir Garðbæinga í Álftaneslaug og þá verður ókeypis veiði fyrir alla Garðbæinga við suðurbakka Vífilsstaðavatns og á bryggju.