Fréttir: 2021

Verið er að skipta út kerfi sem heldur utanum netspjall á vef Garðabæjar. Á meðan uppfærslan stendur yfir er netspjallið á vefnum óvirkt.  

Fjölbreytt menningardagskrá fyrir vetur/vor 22 er kynnt í nýjum dagskrárbæklingi en bæklingurinn var borinn út í öll hús Garðabæjar þann 29. desember 2021.

Garðabær og Urriðaholt ehf hafa gert samkomulag um lok uppbyggingar byggðar í Urriðaholti og eru aðilar sammála um það markmið að ljúka uppbyggingu hverfisins á árinu 2024.

Afgreiðslutími ráðhúss Garðabæjar, Bókasafns Garðabæjar, Hönnunarsafns Íslands og sundlauga Garðabæjar um jól og áramót. Starfsfólk Garðabæjar óskar íbúum Garðabæjar sem og viðskiptavinum gleðilegra jóla.

Fjórar konur og fjórir karlar hafa verið tilnefnd af ÍTG til íþróttakonu og íþróttakarls 2021. Almenningi gefst kostur á að hafa áhrif á kjörið með því að taka þátt í vefkosningu sem stendur frá 22. desember 2021 til og með 3. janúar 2022.

Sorphirða á almenna sorpinu í Garðabæ fer fram núna á milli jóla og nýárs skv. sorphirðudagatali og aftur strax fyrstu vikuna í janúar (pappírstunna er tæmd fyrir jól og aðra vikuna í janúar). 

Almennar fjöldatakmarkanir verða 20 manns og nándarregla 2 metrar í stað 1 með ákveðnum undantekningum. Sund- og baðstöðum, líkamsræktarstöðvum og skíðasvæðum verður heimilt að taka á móti 50% af hámarksfjölda. Reglugerð þessa efnis tekur gildi fimmtudaginn 23. desember og gildir í þrjár vikur.

Að gefnu tilefni er rétt að vekja athygli á því að þegar starfsmenn frá Vatnsveitu Garðabæjar þurfa að fara í heimahús eru þeir ávallt merktir sem starfsmenn Vatnsveitu Garðabæjar, á fatnaði sem og með starfsmannaskilríki.

Á fundi framkvæmdaráðs almannavarnanefndar höfuðborgarsvæðisins í dag, föstudag 17. desember, var tekin ákvörðun um að fella niður áramótabrennur á höfuðborgarsvæðinu um komandi áramót.

Framkvæmdir við fjölnota íþróttahúsið í Vetrarmýri ganga vel og þessa dagana er verið að leggja lokahönd á niðurlögn gervigrass innandyra. Fulltrúar í bæjarráði Garðabæjar fóru nýverið í skoðunarferð um húsið til að sjá hvernig hvernig framkvæmdir ganga.

Á dögunum gerðu Garðasókn og Garðabær með sér samstarfssamning um framkvæmd æskulýðsstarf á vegum Æskulýðsfélags Garðasóknar.